T.S post ko lang to ha...
Ang sobrang pinahihirapan ng gobyerno ay ang hard-working middle class.
Witheld agad ang tax, hindi pa oras ng bayaran ng tax!
Yung mga walang trabaho/hindi nagtatrabaho at hindi nagbubuwis,
pinaliliguan ng sangkaterbang regalo at gantimpala.
Puro libre.
Yung sobrang mayayaman, puro tax evasion ng ginagawa,
na puedeng-puede sa dami ng butas ng batas
na ginawa ng kanilang mga family political dynasties para sila-sila
rin ang magpalusot at makalusot.
May "foundations" pa raw ang iba para sila ang makapili kung pano gagastusin ang dapat sanay tax nila.
Yung mayayaman ang umuutang ng at nakikinabang sa publlic funds na nasa government banks.
Sila ang nakikinabang sa kaban ng bayan.
Tapos, in ratio/proportion to income, sila ang pinakamaliliit ang binabayarang taxes!
Aping-api ang hardworking middle class, employees at OFWs na sobrang pahirap ang dinaranas sa pagkuha/pagrenew ng passports, licenses, documents, permits, etc etc etc na madalas ay kailangan pa ng "authentication". Kada kilos para makapagtrabaho ng marangal at pipila, magbabayad, maghihintay at maglalagay pa kung gipitin ng government clerks!!
Ang buong bigat ng pasanin ng Bayan ay nasa balikat ng hard working middle class, employees at OFWs. Ang walang habas sa pagpapasasa ay sinasamantala ng mga mayayaman at politicians. At nakikibang din ng mga pispis at mumo na nalalaglag mula sa mesa ng mayayaman ang mga "needy" na hinahagis-hagisan ng mga libreng biyaya na inaagaw ng mayayaman at pulitiko sa bibig ng working middle class para pang-uto at pambili ng boto ng madla.
by Ed Lapiz